Hósdagin 12. apríl klokkan 17.30 verður aðalfundur í Føroya felag móti krabbameini í Listaskálanum.

Skrá sambært viðtøkum felagsins.

Eftir aðalfundin klokkan 19.00 verða almennir fyrilestrar um etikk. Etikkur er nógv uppi í tíðini, eisini í mun til viðgerð og røkt av krabbameinssjúklingum.

Tosað hevur í nógv ár verið um, hvørjar etiskar leiðreglur eiga at verða galdandi á økinum, men enn hava vit onki alment etiskt ráð í Føroyum.

At seta hol á hetta kjakið í krabbameinshøpi fer Jóannes Eidesgaard, løgmaður og verji hjá felagnum.

Síðan fer Maria Aakre, leiðari í etiska ráðnum hjá norska sjúkrarøktarfrøðifelagnum, at halda fyrilestur um etiska tvídráttin, tá ið tað ræður um krabbamein og deyða.

Fyrilesturin kallar hon: "Den etiske fordring (eller etiske dilemma) i møtet med kræft og død."

Sum sjúkrarøktarfrøðingur á St. Olavs Hospitali í Tróndheimi í nógv ár hevur Maria Aakre gjørt vart við seg í spurninginum um etikk og etiskar leiðreglur í heilsuverkinum, eisini innan krabbameinsøkið.

Øll eru vælkomin til fyrilestrarnar.

---

Nevndar- og tiltakslimir 2006:
Jákup N. Olsen
Helena Dahl Olesen
Agnar á Dul
Erik Wandall
Davina Lamhauge

Tiltakslimir:
Jónvør Christiansen
Birita Ludvíksdóttir Petersen