Mánakvøldið 15. februar 2016 kl. 18.30 skipar The Body Shop í SMS fyri skeiði í makeup og húð- og hárrøkt. Skeiðið er fyri kvinnur, ið eru í viðgerð fyri krabbamein.

The Body Shop fer at greiða frá um húðrøkt og makeup. Hjá summum kann húðin broytast og gerast sartari. Tískil er gott at vita, hvussu húðin skal røktast rætt. Makeup kann gera, at daglidagurin kennist lættari, av tí tú følir teg frískari við einari lættari makeup. Asloy frá The Body Shop greiðir frá, hvussu tú kanst leggja makeup og røkta tína húð undir kemo viðgerð.

Fríðgerð frá Salong Fríðgerð fer at greiða frá, um hvørjir møguleikar eru, nú tú missur hárið; skalt tú hava parykk, hvussu bindir tú turruklæðið uppá ein smartan máta, hvørjar húgvur eru at fáa og hvussu røktar tú hárbotnin? Ja, spurningarnir eru nógvir, og Frígerð fer at geva tær íblástur til tín tørv.

Skeiðið er ókeypis.

Síðsta freist at melda til er fríggjadagin 12. februar 2016 hjá The Body Shop á tlf. 319505 ella tlf. 519505 ella tú kann ringja til Salong Fríðgerð á tlf.511545

Verið vælkomin