Fyribyrging
Sannlíkt er, at umleið ein triðingur av øllum krabbameinstilburðum kunnu fyribyrgjast. Tí er tað týdningarmikið, at vit í Føroyum fara undir tiltøk við atliti at minka um tilburðirnar og harvið deyðatalið av krabbameini.
Heilsugóðir vanar kunnu minka um vandan fyri krabbameini
Screening av bróstum
Mammografiscreening er eitt tilboð til allar kvinnur í aldursbólkinum 50-69 ár um, at fáa tikið røntgenmyndir av bróstinum. Ein mammografiscreening kann vísa broytingar í bróstinum, sum ikki ber til at merkja við fingrunum.
Screening fyri lívmóðurhálskrabba
Allar kvinnur í aldursbólkinum 23-64 ár fáa bjóðað regluliga fyribyrgjandi kanning fyri lívmóðurhálskrabba. Hetta verður gjørt við eini einfaldari kanning hjá kommunulækna. Endamálið er at diagnostisera forstig til lívmóðurhálskrabba og kunna veita viðgerð skjótast gjørligt.
Screening av tarmi
Øll í aldursbólkinum 50-74 ár verða bjóðaði til screening av krabba í langa og baktarmi eina ferð um ári. Talan er um eina screening, har kannað verður fyri blóð í skarninum.
Kanning fyri tarmakrabbamein kann avdúka sjúkuna tíðliga, ið gevur betri møguleikar fyri fáa viðgerð og at gerast frískur.
Sjey tekin at geva sær far um
Fleiri ymisk tekin kunnu vera um, at krabbamein ger um seg, og vísir okkurt av teimum seg, er umráðandi at fara til lækna. Kræftens Bekæmpelse í Danmark hevur almannakunngjørt sjey høvuðstekin, sum Krabbameinsfelagið eisini vísir á.
Gransking
Krabbameinsfelagið arbeiðir fyri at stuðla og upplýsa um gransking í krabbameini.