Gransking

Krabbameinsfelagið arbeiðir fyri at stuðla og upplýsa um gransking í krabbameini.

Krabbameinsgransking er í høvuðsheitum grundgransking viðvíkjandi krabbameini við atliti til at staðfesta orsøkir og fyri at menna strategiir fyri fyribyrging, diagnostikk, viðgerð og leking av krabbameini.

Gransking í Føroyum

Granskingarverkætlan um barnakrabba í Føroyum

Nú fer ein nýggj verkætlan av bakkastokki um barnakrabba í Føroyum. Endamálið við hesi verkætlan er at kanna, um ílegur eru partur av orsøkini til, at summi føroysk børn fáa krabbamein.

Granskingarverkætlan kannar ultraljóð sum partur av framtíðar krabbameinsviðgerðini

Nú er framkomið ultraljóðtól komi á onkologiska ambulatorium á Landssjúkrahúsinum, og umboð frá GE HealthCare, Trine Dupont, hevur undirvíst starvsfólkunum í ambulatoriinum. Tólið, ið er eitt hitt mest framkomna av sínum slagi á marknaðinum júst nú, er gáva frá granskingarverkætlanini til krabbameinsambulatoriið. Granskingarverkætlanin er stuðlað av Krabbameinsfelagnum, Betri Stuðul og privatum fyritøkum og skal kanna virknaðin at nýta ultraljóðsvegleidda innanæðra atgongd til æðrarnar hjá krabbameinssjúklingum í sambandi við krabbameinsviðgerðina.

Kynsmunur í yvirlivilsi hjá lungnakrabbasjúklingum í Føroyum

Ein nýggj kanning við heitinum ”Kynsmunur í yvirlivilsi hjá lungnakrabbasjúklingum í Føroyum”, sum er gjørd fyri føroyskar lungnakrabbasjúklingar í árunum 2015 til 2020, vísti ábendingar um, at tað tekur longri tíð hjá føroyskum monnum at fáa staðfest lungnakrabba og at verða settir í viðgerð. Eisini vísti kanningin, at føroyskir menn fáa staðfest lungnakrabba á hægri stigi (at sjúkan er meiri framkomin) enn føroyskar kvinnur.

Krabbameinsfelagið stuðlar ílegugransking av bróstkrabba

Endamálið við verkætlanini er at finna og lýsa orsøkina til bróstkrabba hjá føroyskum kvinnum. Krabbameinsfelagið hevur júst stuðlað verkætlanini við 300.000 kr, harav eru 100.000 kr frá Bót til Bata, sum er ein bólkur fyri kvinnur við bróstkrabba.

NORDCAN – Krabbameinshagtøl fyri Norðanlond

NORDCAN er en database med kræftstatistik for de nordiske lande; Danmark, Finland, Island, Norge, Sverige, Færøerne og Grønland.

At liva við krabbameini - ein kanning av tørvinum á krabbameinsendurmenning í Føroyum (2008)

Brot út kanningini: Í Visjón 2015 verður sagt, at málið fyri vælferð er: At fólkið skal trívast, mennast og fjølgast í okkara landi. Hetta skal gerast við at tryggja øllum borgarum neyðugur umstøðar fyri góðum livikorum í einum væl skipaðum vælferðarsamfelag, har sínámillum ábyrgdin millum borgaran og myndugleikan eins væl og samhaldsfestið millum øll verða sett í hásæti.

NCU veitir stuðul til gransking á krabbameinsøkinum

Norðurlendski krabbameinsfelagsskapurin NCU veitir fíggjarligan stuðul til verkætlanir, ið stimbra samstarv í granskingini av krabbameini í norðurlendsku londunum. Ein treyt er, at verkætlanin fevnir um granskarar, sum arbeiða í tveimum ella fleiri norðurlendskum londum.

Nýggj vitan um, hvussu illkynjaðar blóðsjúkur arvast

Í februar mánað var ein vísindalig grein almannakunngjørd í røðini Scientific Reports hjá Nature, sum lýsir nýggja vitan um, hvussu illkynjaðar blóðsjúkur arvast.
Vís fleiri

Stuðulsmøguleikar

Hevur tú eina verkætlan? Til ber at søkja um granskingarstuðul frá Krabbameinsfelagnum til verkætlanir, sum kunnu menna krabbameinsøkið í Føroyum.

Úr Team Rynkeby Føroyar grunninum ber til at søkja um stuðul til verkætlanir, sum snúgva seg um lívshættisliga sjúku hjá børnum.

Meira kunning um stuðul og treytir fyri at søkja, fæst við at venda sær til Krabbameinsfelagið á telefon 317959, ella umvegis teldupost kmf@krabbamein.fo.

Eisini ber til at søkja um stuðul til gransking frá norðurlendska krabbameinsfelagnsskapinum Nordisk Cancer Union. Treytin fyri at fáa stuðul er, at verkætlanin er samstarv millum granskarar úr í øllum førum tveimum norðurlendskum londum, sjá upplýsing um stuðulsmøguleikar og treytir.