Kom til hugnaløtu hjá bróstkrabbabólkinum Bót til Bata

Bróstkrabbabólkurin, Bót til bata, hjá Krabbameinsfelagnum bjóðar øllum kvinnum, sum hava ella hava havt bróstkrabba ella undanstig til bróstkrabba til eina hugnaløtu hóskvøldið 30. mars kl. 18.30 í hølunum hjá Krabbameinsfelagnum, á Grønlandsvegi 58 í Havn.

Heidi Hvidbro og Súsan Joensen at siga frá bróstkrabbaráðstevnu í Helsinki, tær luttóku á í heyst, og tosa um nýggjastu vitan innan bróstkrabba.

Kom við og fá eitt prát við kvinnur, sum eru í somu støðu, ella hava verið í somu støðu sum tú. Vit fáa eisini ein góðan drekkamunn.

Vit gleða okkum til kvøldið og vóna at undirtøkan verður góð.

Um tú ynskir at luttaka, vinarliga boða frá í seinasta lagi mikudagin 29. mars kl. 15.00 á telefon 317959, send okkum ein sms á telefon 217956 ella ein teldupost á kmf@krabbamein.fo

‍