Kom við Krabbameinsfelagnum niðan á Kongavarða
15/8/2023
Krabbameinsfelagið skipar fyri felags gongutúri niðan á Kongavarða hósdagin 17. august. Vit møtast við skúlan á Argjahamri kl. 18.30.
Túrurin er miðal lættur, tað er nakað eyrut og bratt niðan á síðsta petti. Verið ílatin eftir veðrinum og í góðum skóm. Aftaná bjóðar Krabbameinsfelagið drekkamunn í hølum felagsins á Grønlandsvegi 58.
Øll, sum hava ella hava havt krabbamein og teirra avvarðandi eru vælkomin við.
Boða frá luttøku hjá Krabbameinsfelagnum á telefon 317959, sms 217959, teldupost kmf@krabbamein.fo ella á sosialu miðlunum hjá hjá Krabbameinsfelagnum.
